Tilkynning um fjarveru meðlims

Góðan daginn allan daginn.
Ég verð því miður að boða forföll mín í komandi sumarbústaðarferð veiðifélaganna Herkúles og Bleikjurnar. Ég veit að þetta er mikið áfall fyrir suma, en reynið að skemmta ykkur án mín. Sennilega er það ómögulegt en reynið allavega. Gerið það fyrir börnin. Hahaha nú er ég bara farin að bulla. Þið munið skemmta ykkur mjög vel og það verða allir að drekka einn bjór fyrir mig. Það myndi verma mínar dýpstu hjartarætur ef þið myndum skála fyrir formanni Vestfjarðardeildar sem gat á engan hátt séð sér fært að mæta sökum íþróttaiðkunnar. Ég er að fara leika afar mikilvægan leik í körfuknattleik gegn Hamri/ Selfossi. Svona er nú lífið. En ég óska ykkur mikillar gleði, mikillar ölvunar og einhvers skandals. Þessar ferðir okkar verða alltaf að innihalda einhvern skandal.
Ég kveð að sinni.
Hafdís Gunn
Formaður Vestfjarðadeildar Bleikjanna

The plan....

jæja vahú... sumarbústaða ferðin sem ákveðin var í október er loksins að renna í garð.
Þannig er planið... sækja þarf lyklana fyrir klukkan 22:00 á föstudaginn í einhvern skála við Úlfljótsvatn sem við hljótum að finna og við höfum bústaðinn til mánudags þannig að það þarf ekkert að flýta sér að ganga frá og skila snemma á sunnudeginum...
Á föstudaginn er ekki reiknað með sameiginlegum mat, hver tekur bara það sem hann vill borða ef sá hinn sami er ekki búinn að borða áður en lagt er af stað.
Á svæðinu eru 3 herbergi með 6 rúmum, þannig að þið pörin getið andað léttar. Það lítur allt út fyrir að þið fáið öll sér herbergi þannig að það er hægt að gera nóg af því að ..... uhu prjóna sokka...
Við hin sem erum svo væskilsleg að mæta ein með sjálfum okkur þurfum að sofa á svefnloftinu þar sem eru dýnur fyrir 4.
Þeir sem mæta í pörum fá að hafa sængurnar... (hvað er ekki gert fyrir ykkur) og þurfa þess vegna að mæta með sængurföt...
Við hin sem verðum á loftinu þurfum hins vegar að taka með okkur svefnpoka :)

Ætlunin er að elda eitthvað saman á laugardeginum, ??? hvort grillmeistarinn frá því í fyrra vilji ekki hvíla sig þetta árið og við stelpurnar skellum þá kannski læri eða hrygg í ofninn og eldum...??

Jæja þetta er nú það helsta.. svo bara muna, nóg af einhverju til að skála í á föstudaginn og til að skola niður lærinu á laugardeginum.... Annars er þetta allt svo mikið bindindisfólk að ég á ekki von á öðru... hehe

Í síðasta lagi þá er öll varsla gæludýra bönnuð í bústaðnum... bara svo þið vitið það.

Hlakka til að sjá ykkur á föstudaginn og sérstaklega formann Akureyrardeildar Herkúlesar... vona að formaður Vestfjarðadeildar bleikjanna sjái sér fært að mæta....

Varaformaður

Niðurtalning í bústað

Ég finn fyrir fiðringi og eftirvæntingu fram í fingurgóma vegna væntanlegrar sumarbústaðaferðar.
Síðasta ferð var skemmtileg,en það er alltaf hægt að gera betur.
Það er eitt sem er að hrjá mig og það er, að æðsta bleikja Hafdís Gunn er staðsett á Vestfjörðum og veit ég eigi hvort hún sjái sér fært til að koma og fagna með okkur.
Ég er hér með nokkrar ástæður fyrir hana að koma:
1.Hún er ein af æðstu bleikjum og hefur vissum skyldum að gegna.
2.Það verða inntökupróf inn í félagið sem ómögulegt er að missa af!
3.Ýmsar skemmtilegar uppákomur verða (býst ég við he he)
4.Svo er þessi tiltekna bleikja skemmtileg og lætur okkur hlæja og finna fyrir yl í hjarta og viljum við endilega hafa hana með.
Því bið ég Hafdísi að skoða hug sinn og hjarta og athuga hvað hún ætlar að gera.

Ég hlakka mikið til og það er verið að brugga ýmislegt með þessi inntökupróf, það verður áhugavert og skemmtilegt fyrir fólkið að þreyta þessi próf og óheyrilega fyndið fyrir okkur að láta þau taka þau:-)

Annars er ég mjög ánægð með áhuga ungra stúlkna fyrir vestan á félaginu Bleikjunum, Hafdís Gunn er inn í þeim málum og heldur væntanlega bókhald yfir helstu sigra þeirra og verðleika. Við sjáum til hvermig verður með inngöngu, allir þurfa að þreyta próf og þær verða því að vera vel undirbúnar.

Það er ein spurning sem brennur á mér og það er hversu margir hafa skráð sig í þessa sumarbústaðaferð, já eða nei??
Gott væri að vita hversu mörg við verðum svo hægt sé að gera ráðstafanir út frá því.
Takk fyrir lesturinn