Aðalvík...

..er opin öllum sem vilja koma einhverntíma á tímabilinu 1-10 ágúst. Þar verður annar formaður vestfjarðardeildar við veiðar í 10 daga og eru þeir sem vilja koma og renna fyrir silung í Staðarvatni eða fyrir Laxi í Staðará velkomnir að koma. Húsið er opið þeim veiðifélögum sem vilja koma, minni á að koma með nóg að bíta, brenna og drekka. Í húsinu er rennandi vatn, eldavél og salernisaðstaða ásamt sturtu.
Vonast til að sjá sem flesta.
Hrafnhildur

Fyrsta veiðiferð sumarsins.

Þá er komið að því að formaður Vestfjarðardeildar Bleikjanna skelli sér í veiðiferð og þá fyrstu í sumar. Það á að renna fyrir silung í Fljótavík ásamt því að drekka í sig óspilltu náttúruna sem gerist varla fallegri en á Hornströndum. Notast verður við spún enda formaðurinn ekki ennþá kominn upp á lagið með að beita flugunni, en óskað er eftir því að meðlimir Bleikjanna komi til með að leiðbeina mér seinna meir. Farið verður í fljót ásamt pabba, Jóni, Gunnari Atla, Shiran og Ingimari og verður lagt af stað á fimmtudagsmorguninn með bát. Þetta verður bara dagsferð og verður flogið til baka.
Eftir veiðina verður kíkt í kaffi til Boggu Venna sem er orðin ómissandi liður þegar kíkt er í Fljót.
Upplýsingar um aflann verða birtar hér eftir veiðiferðina.

Sumarið er tíminn

jú það er sagt en ekki hefur orðið mikið úr sumrinu enn sem komið er!!
Ég er þó farin að bíða með eftirvæntingu eftir veiðiferð okkar upp á Veiðivötn ásamt félögum okkar úr Herkúles. Ég sá ekki fram á að mæta í þá ferð sökum anna við lestur skólabóka um þetta leyti en eins og allir vita er skólabókalestur á sumrin fyrir vitleysinga og ég er ekki vitleysingur!! Þá er hitt málið eftir að redda mér fríi í vinnunni.....er að vinna í því, djöfull skal það takast svo ég geti gert eitthvað á þessu sumri.
Djöfull væri gott að veiða einn lax til að bjarga þessu sumri!! Annars er það aukaatriði bara hafa gaman að þessu og njóta samverunnar með vinum sínum er það ekki???
Ég hlakka alla vega mikið til í ágúst þá verður veiðiferð og ein bleikjan að fara að gifta sig með glamúr og glysi.
Já þetta verður stuð, ég hlakka alla vega mikið til!!