Jæja jæja..

Þá er nú heimasíðan að verða til... gestabókin komin og þar getið þið komið á framfæri umsóknum og þá höfum við samband við ykkur um hæl....
Endilega að skrifa í comment... ;)

Vinsældir!

Mig langar að þakka frábærar viðtökur við þessari síðu, ég hef ekki fengið frið heima fyrir aðdáendum, konum sem eru kúgaðar heima hjá sér af eiginmanni og fá ekki að fara með í veiðiferðir öðruvísi en að smyrja brauð á bakkanum og nudda axlir.
Við þessar konur segi ég að bráðum verður hægt að sækja um aðild að þessu veiðifélagi og munum við auglýsa það hérna á síðunni.
Myndasíða verður einnig vonandi sett inn fljótlega og þá getið þið fylgst með okkur í veiði og drykkju. Svo er næst á dagskrá hjá okkur að fara í sumarbústaðaferð með góðvinum okkar úr Herkúles, þetta verður gert árlega og áætlað er að fara núna einhvern tíma í október, (auglýst síðar).
Bráðum koma svo aflatölur sumarsins hjá meðlimum og helstu afrek okkar kjarnakvennanna, þá þakka ég fyrir í dag og eigiði góða helgi.

Upphafspistill

Þá er komið að því, Bleikjurnar eru komnar með heimasíðu enda kominn tími til.
Það er best að byrja á því að segja aðeins frá þessu félagi, þannig er mál með vexti að í október 2003 var farið í sumarbústaðaferð með veiðifélaginu Herkúles sem er strákaveiðifélag, við stelpurnar fengum að koma með, með því skilyrði að við yrðum í bikini í heita pottinum á svæðinu. Við urðum nú ekkert voðalega sáttar enda aukakíló á hverjum krók og kima og þar að auki var þetta karlmannleg kúgun eins og hún gerist best!
Við ákváðum því að stofna okkar eigið veiðifélag fyrir stelpur en þó í góðu samstarfi við Herkúles og þeirra karlrembu takta. Þannig var formlega stofnað okkar stelpuveiðifélag eftir þessa sumarbústaðarferð. Þaðmá búast við ýmsum skemmtilegum veiðisögum og pistlum hér á þessari síðu, væntanlega verður farið í einhverjar sameiginlegar ferðir með félögum vorum úr Herkúles og sagt verður ítarlega frá þeim ferðum og vonandi einnig í myndrænu formi. Stelpur geta líka veitt!! Takk fyrir og njótið vel.